Тээврийн цагдаагийн албаны Жижүүрийн шуурхай удирдлагын төвд амралтын өдрүүдэд нийт 781 дуудлага мэдээлэл иржээ. Эдгээрээс зам тээврийн ослын шинжтэй 634 дуудлага мэдээлэл бүртгэгдсэн байна.
- Нийслэлд:
Явган зорчигч мөргөх хэлбэрээр есөн осол бүртгэгдэж, есөн хүн гэмтсэний нэг нь хүүхэд байна.
- Орон нутагт:
Онхолдох хэлбэрээр нэг осол бүртгэгдэж, нэг хүн гэмтсэн байна.
Мөргөх хэлбэрээр нэг осол бүртгэгдэж, нэг хүн амиа алджээ.
Гудамж замд зохион байгуулсан хяналт, шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодсон 207 зөрчил бүртгэгджээ. Үүний 133 нь нийслэлд, 74 нь орон нутагт бүртгэгджээ. Амралтын өдрүүдэд согтууруулах ундааны зүйл хэрэглэсэн үедээ тээврийн хэрэгсэл жолоодсон зөрчлийг өмнөх 7 хоногийн амралтын өдрүүдийн нөхцөл байдалтай харьцуулахад 19.4 хувиар буурсан байна. Архи согтууруулах ундааны төрлийн зүйл хэрэглэсэн бол тээврийн хэрэгсэл жолоодохгүй байхыг цагдаагийн байгууллагаас анхаарууллаа.