Залуучуудын Хөдөлмөрийн Төв Бирж биржид өнөөдрийн байдлаар цагийн ажлын нээлттэй орон тоо 220 байна. Үүнд байгууллагын сурталчилгаа, брошур, сонин, урилга тараах, цэвэрлэгээ хийх, лавлах утасны оператор, ачаа зөөх, айл нүүлгэх, борлуулалт, зөөгч, хүргэлт, гадаад хэлний цагийн багш, бүх төрлийн хөгжмийн багш, орчуулга гэх мэт ажлын байрууд байна.
Залуучуудын Хөдөлмөрийн Төв Бирж оюутан, залуучуудын хөдөлмөр эрхлэлтийг нэмэгдүүлэх, залуучуудын ажилгүйдэлд эзлэх хувийг бууруулах зорилгоор өдөр тутам цагийн болон байнгын ажлын байранд зуучилдаг.
Энэ биржид өдөрт 50-70 залуу ажил хайн ирдэг бөгөөд тэдний 70 хувь нь цагийн ажил хайдаг юм байна.