ЭМЯ-ны харьяа төрөлжсөн мэргэшлийн эмнэлгүүд болон тусгай мэргэжлийн төвүүдийн тусламж, үйлчилгээ үзүүлсэн хоногийн мэдээгээр (2020.11.01-ний өглөөний 09.00 цаг хүртэл нэгтгэсэн мэдээ) захиалгын 1800-0119 дугаарт 234 дуудлага холбогдож, үүнээс 186 нь эмнэлэгт үзүүлэх цаг захиалжээ. Мөн 1800-0119 дугаарын утсанд хүүхдийн 10 эмч мэдээлэл, зөвлөгөө тогтмол өгч байна. (Энгийн утасны тарифаар)
Улсын гуравдугаар төв эмнэлгийн амбулаториор 33 хүн үйлчлүүлсний 2 нь хөдөө, орон нутгаас ирж үзүүлсэн байна. Амралтын өдөр яаралтай 42 мэс засал хийжээ. Төрөлжсөн төв эмнэлгүүдэд 3412 хүн хэвтэн эмчлүүлж байна. Үүнээс 249 нь хөдөө, орон нутгаас, 145 нь эрчимт эмчилгээний тасагт эмчлүүлж байна.
Нэн яаралтай түргэн тусламж авах иргэд 103 дугаарт холбогдох шаардлагатай байдаг тул иргэд зөвлөгөө, мэдээлэл авах бол 1800-0119 дугаарт хандахыг ЭМЯ-наас мэдээллээ.
Цаг агаар хүйтэрч байгаатай холбогдуулан иргэдийг дулаан хувцаслаж, дархлаагаа дэмжих хоол хүнс хэрэглэн, олон нийтийн газар амны хаалтаа зүүн, гараа тогтмол ариутгаж өөрийгөө болон дотны хүмүүсээ амьсгалын замын өвчлөлөөс урьдчилан сэргийлэхийг анхааруулж байна.
