Монголын хамгийн анхны дархан цаазат уул болох Богдхан суурьшлын бүс болоод байгаа гэхэд болно. Үүнтэй холбоотойгоор Зайсангийн аман дахь суурьшлын бүс мэт болсон газруудыг тусгай хамгаалалтаас гаргаж нийслэлийн Засаг даргад хариуцуулах саналыг Засгийн газрын хуралдаанаас гаргасан. Одоогийн байдлаар тусгай хамгаалалтаас гаргах газар нь 500 орчим га байгаа юм байна. ЮНЕСКО-гийн албан ёсны цахим хуудаст Богдхан уулын дархан цаазат газрын хэмжээг 41.6 мянган га хэмээн бүртгэсэн байдаг. Тиймээс дээрх хэмжээний газрыг тусгай хамгаалалтаас гаргахдаа ЮНЕСКО-д хандан талбайн хэмжээг өөрчлөх үндэслэл хүргүүлэх гэнэ.