Зам тээврийн сайдын энэ сарын 2-ны өдрийн 255 дугаар тушаалаар Завхан аймгийн Алдархаан, Идэр, Яруу сумдын нутаг дэвсгэр дэх Загастайн даваа орчмын тээврийн хэрэгслийн хөдөлгөөнийг хаахаар болжээ. Тус давааг энэ сарын 8-наас эхлэн хоёр сарын хугацаанд хаах юм байна.
Энэ хугацаанд Улаанбаатар-Завхан чиглэлийн нийтийн тээврийн том оврын автобусны чиглэлийг өөрчилж,“ Улаанбаатар -Улиастай хот -Алдархаан сумын нутаг дэвсгэр дэх Доной-Сайрын дөрөлж –Цахирын дөрөлж, Зүйлийн төв, Яруу сум-Дахтын даваа- Тэлмэн сум-Улаанбаатар” гэсэн маршруттай болгожээ.