Аваргуудын лигийн шөвгийн 16-ын хариу тоглолтууд өнгөрсөн шөнө болж өндөрлөлөө.Эхний тоглолтод Ювентусын талбайд зочилж 2:2-оор тэнцээд байсан Тотенхем “Уэмбли” цэнгэлдэхдээ хүлээн авч 2:1-ээр ялагдаж аваргуудын лигийг орхилоо.
Тоглолтын эхний гоолыг өнөө цагийн Ази тивийн шилдэг хөлбөмбөгч Сон Хён Мин Кристиан Эриксоны дамжуулалтаар оруулжээ. Эхний үед өөр гоол ороогүй бөгөөд шийдвэрлэх хоёрдугаар үеийн 64 дэх минутанд Сами Хедирагийн дамжуулалтаар Гонзала Игиун гоолдож тоглолтын тооны харьцааг тэнцүүлжээ. Тоог тэнцүүлсэн тэд үүнээс гурван минутын дараа Аргентин довтлогч Пауло Дибала гоолоор тэргүүлж эхэлсэн юм .Энэ цагаас хойш Ювентус нягт хамгаалсан тоглолт үзүүлж хожил авснаар аваргуудын лигийн шилдэгнаймд шалгарсан.
Энэ өдөр Английн Манчестер сити Швейцарийн Базель клубийг талбайдаа хүлээн авч 2:1-ээр ялагдсан ч тэмцээнээ үргэлжлүүлэхээр боллоо. Учир нь тэд хоёр долоо хоногийн өмнө явагдсан тоглолтод 4:0-ээр илүүрхсэн юм. Хариу тоглолтын эхний үеийн 9 дэх минутанд Габриел Жесус гоол оруулж Манчестер тэргүүлж байсанч Базелаас 17 дахь минутанд Элиуносси гоол оруулж тооны харьцааг тэнцүүлжээ. Харин шийдвэрлэх хоёрдугаар үеийн 71 дэх минутанд Лэн гоол оруулж багтаа хожил авчирсан юм.
О.ДАШНЯМ