Хатуу хөл хорионы дэглэмийг өнөөдрөөс /2021.04.14/ чангаруулж, авто зам, явган зорчигчдын хөдөлгөөнийг хязгаарлаж эхэллээ.
Тодруулбал, Явган хүний хөдөлгөөнийг 06:00- 08:00, 16:00-18:00 цагуудаас бусад цагт бүрэн хязгаарлах юм.
Цагдаагийн алба хаагчид орц, гудамжны ойролцоо хяналт тавьж, өглөөний 08:00 цагаас явган зорчигчдын хөдөлгөөнийг хязгаарлаж байна. Харин иргэд өглөө 06:00-08:00, үдээс хойш 16:00-18:00 цагийн хооронд гэрийнхээ ойролцоо 3-аас илүү хүний бөөгнөрөл үүсгэхгүй салхилах юм. Мөн 19:00 цагаас хойш хөдөлгөөнийг хязгаарлана гэдгийг цагдаагийн байгууллагаас мэдээлэв.
Хөл хорионы үед үйл ажиллагааг нь хориглоогүй 15 салбарын алба хаагчид хувийн тээврийн хэрэгслээр улсын дугаарын тэгш сондгой тоогоор хөдөлгөөнд оролцож буй. Үүнд хяналтыг чангаруулж эхэлжээ. Нийслэлийн хэмжээнд хатуу хөл хорионы өдрүүдэд гудамж, замын хөдөлгөөн 60-70 хувиар буурчээ.