Япон улсын ихэнх нутгаар хүчтэй аадар бороо үргэлжлэн орж, тус улсын баруун хэсэгт оршдог мужуудад үер бууж, хөрсний гулгалт үүссэний улмаас хүмүүс ор сураггүй алга болоод байгаа тухай “Киодо” агентлаг мэдээлэв.
Японы баруун хэсэгт оршдог Киото, Кочи, Осака болон Хиого мужуудын хүн амыг нүүлгэн шилжүүлэхээр шийдвэрлээд байгаа бөгөөд Кочи мужийн Аки хотод боогдоод байгаа иргэдийг тус улсын өөрийгөө хамгаалах хүчний хуурай замын цэргийн албан хаагчид аврахаар ажиллаж байгаа ажээ.
Киото мужийн Камэоко хотын оршин суугч 50 гаруй насны нэгэн эмэгтэй гэрээсээ машинтай гарсны дараа ор сураггүй алга болсон бөгөөд үерлэсэн голоос түүний машиныг олсон байна. Түүнчлэн Кочи мужийн Конан хотод сүү хүргэдэг залуу мөн алга болоод байгаа ба цагдаагийн ажилнтууд түүнийг машинтайгаа үерт автсан байх магадлалтай хэмээн таамаглаж байгаа юм байна.