Японы Гадаад Хэргийн Яам Украйнаас бараг бүх дипломатуудаа эргүүлэн татсан талаар “Эн-Эйч-Кэй” /NHK/ агентлаг мэдээллээ.
Тус телевизийн мэдээлснээр, Японы Гадаад Хэргийн Яам Украйнд хурцадмал байдал үүссэнтэй холбогдуулан тус улс дахь Элчин Сайдын Яамны цөөн хэдэн ажилтнaa эргүүлэн татсан байна.
Украйны нийслэл Киев дэх Японы Элчин Сайдын Яам ихэнх дипломатуудаа нүүлгэн шилжүүлсний дараа зөвхөн хязгаарлагдмал чиг үүрэгтэйгээр ажиллана хэмээн яамнаас мэдэгдлээ.
Түүнчлэн, Украйн улсад ажиллаж, амьдарч буй Японы иргэдийг тус улсаас нэн даруй гарахыг уриалжээ. Японоос гадна бусад улс орнууд ч Украйн дахь Элчин Сайдын Яамдынхаа үйл ажиллагааг зогсоох, ажлын цагийг багасгах шийдвэр гаргажээ.
АНУ-ын Ерөнхийлөгчийн Засаг захиргаа ойрын 24-48 цагийн дотор бүх америк ажилтнуудыг Киев хотоос эргүүлэн татахаар бэлтгэж эхэлсэн талаар “CBS News” агнетлаг өмнө нь баттай эх сурвалжаас эш татан мэдээллээ.