Сүүлийн үед олон нийтийн цахим сүлжээгээр 20-40 насны хүмүүсийг 3-5 жилийн хугацаатай гэрээний ажилд зуучилж, ажил болон амьдрах орон байраар хангах, Япон Улсад урт хугацаагаар оршин суух зөвшөөрлийг гаргаж өгөх, ялангуяа цагаачлалын визийг авахад зуучилж өгнө гэсэн зар ихээр гарах болсон. Тэгвэл энэхүү зарын дагуу хэсэг бүлэг хүмүүс монгол иргэдээс зуучлалын хөлс нэхэж, нутаг нэгтнээ хүний нутагт залилан хуурах явдал удаа дараа давтагдан гарч байгааг Токио дахь Элчин сайдын яамны консулын хэлтсээс мэдэгдэж байна. Тиймээс иргэдийг олон нийтийн цахим сүлжээн дэх энэ төрлийн аливаа зарлалд хууртагдахгүй байхыг анхаарууллаа.
Categories