Японы соёл, аялал жуулчлалын өдөрлөг наймдугаар сарын 24-25-нд Д.Сүхбаатарын талбайд болно.
Наадмын үеэр Япон орны соёлтой танилцаж, бараа бүтээгдэхүүний үзэсгэлэн худалдааг сонирхон, олон төрлийн хоол, хүнс амталж, худалдан авах боломжтой. Япон үндэсний хөгжмийн “Этосэтора” хамтлаг уран бүтээлээ толилуулахаас гадна “Япон дуу хэн сайн дуулах вэ?” дууны тэмцээний шалгарсан оролцогчдын тоглолт болох юм. Мөн Япон улсын их дээд сургуульд суралцах хүсэлтэй хүүхэд залууст зориулсан боловсролын үзэсгэлэн яармаг зохион байгуулна.
