“Боловсрол” телевиз, “Номадс”-ын сүлжээ ресторануудтай хамтран “Яг түүн шиг” гала тоглолтыг маргааш буюу зургадугаар сарын 09-ний өдөр “Төв цэнгэлдэх хүрээлэн”-д зохион байгуулахаар төлөвлөсөн байсан ч тоглолтыг хойшлуулжээ.
Учир нь энэ сарын 08-наас 11-ний өдрүүдэд олон улсын залуучуудын томоохон байгууллага болох JCI-ийн Ази, Номхон далайн бүсийн чуулга уулзалт (ASPAC) Улаанбаатар хотод зохион байгуулагдаж байна. Тус хурлын үеэр олон арга хэмжээ давхцаж байгаа тул “Яг түүн шиг” гала тоглолтыг хойшлуулж өөр өдөр зохион байгуулах хүсэлтийг арга хэмжээг зохион байгуулагчдын зүгээс гаргажээ. Иймд тус тоглолтыг хойшлуулсан байна.