Монголын морин спорт уяачдын холбооны Завхан аймгийн Сонгино сум дахь салбар уяачдын холбоо өргөөтэй болжээ. Сумынхаа 90 жилийн ойг угтаж байгуулсан “Уяачдын хийморийн өргөө” нь 32 сая төгрөгөөр бүтсэн бөгөөд өргөөний зураг, скизийг Сонгино сумын харьяат, зураач С.Ганзүг, барилга архитектурыг нутгийн уугуул Ш.Батхолбоо хийсэн байна.
32 саяын өртөгтэй тус өргөө 11 метр диаметртэй, канад технологиор Монголын эртний хаадын өргөөний хэлбэр, монгол гэрийн уламжлалт хэв маяг, загварыг хослуулан дотор тавилга, унь, тооно хаалга нь бүрэн сийлбэртэй, тулгуур хоёр багананы дотор талд хөхөл, сойлгыг нь боож шуусан азарга, их насны морины толгойг товойлгон сийлсэн ажээ.