Монгол Улсын Засгийн газрын тогтоолыг хэрэгжүүлэхээр Дорнод аймгийн Засаг даргын “Өвөлжилт, хаваржилтын бэлтгэл ажлыг хангах арга хэмжээний тухай” албан даалгаврыг боловсруулан батлуулахаар бэлтгэж байна.
“Бэлчээр, хадлан, тэжээлийн талаар баримтлах бодлого”–ын хэрэгжүүлэх ажлын төлөвлөгөө боловсруулан батлуулж сумдад хүргүүлжээ. Мөн “Өвөлжилт, хаваржилтын бэлтгэл ажлыг хангах” тухай Монгол Улсын Засгийн газрын тогтоолын хүрээнд аймгийн аюулгүйн нөөцөд 250 тн өвс, 50 тн тэжээл, сумын аюулгүйн нөөцөд сум тус бүр 100 тн өвс, 30 тн тэжээл нийт 1400 тн өвс, 420 тн тэжээл бэлтгэх бол аймаг, сумын аюулгүйн нөөцөд нийт 1650 тн өвс, 470 тн тэжээл тус тус бэлтгэнэ гэж Дорнод аймгийн Хүнс Хөдөө Аж Ахуйн газраас мэдээллээ.