Ард иргэдийг болзошгүй эрсдэлээс урьдчилан сэргийлж, цаг хожих, зам товчлох зэргээр Увс нуурын мөсөн дээгүүр авто тээврийн хэрэгсэлтэй зорчихгүй байхыг Увс нуурын ай савын улсын тусгай хамгаалалттай газар нутгийн Хамгаалалтын захиргаанаас сэрэмжлүүлж байна. Энэ өвөл ихэнх нутгаар олон жилийн дунджаас 1.1-5.3 градусаар дулаан байсантай холбоотой гол мөрөн, нуурын мөсний зузаан харилцан адилгүй хөлджээ. Иймд тус аймгийн төвөөс Тэс сум хооронд зорчигчид болзошгүй эрсдэлээс урьдчилан сэргийлж, цаг хожих, зам товчлох зэргээр Увс нуурын мөсөн дээгүүр авто тээврийн хэрэгсэлтэй явахаа зогсоохыг анхааруулжээ.