Увс, Ховд, Баян-Өлгий аймгийн цахилгаан эрчим хүчийг 2021 оны есдүгээр сарын 20-22-ны өдөр 06:00-20:00 цаг хүртэл хязгаарлахаар болжээ. Тодруулбал, ОХУ-ын улс хоорондын 110 кВ-ын С-458 “Улаангом-Чадан” цахилгаан дамжулах агаарын шугамын урсгал засварыг хийж байгаа аж.
Баруун бүсийн эрчим хүчний систем ТӨХК-иас тодруулахад “Улаангом-Чадан” цахилгаан дамжуулах агаарын шугамыг засвар эхэлж, Орос талаас графикт агаарын шугамын урсгал засвар хийж байна. Энэ шугамыг хүчитгэх засварын ажлууд өнөөдөр 06:00 цагаас эхэлсэн. Гурав хоног үргэлжилнэ. Иргэдэд урьдчилж мэдээлэл хүргэсэн бөгөөд өмнө нь төлөвлөсөн байсан ажил учир хүндрэл үүсээгүй. Засварын ажил графикийн дагуу үргэлжилж байна.
Гэхдээ Дөргөний усан цахилгаан станцаас Увс, Баян-Өлгий, Ховд аймгийн төвийн онцгой хэрэглэгчдийг эрчим хүчээр ханган ажиллаж байна.
Засварын ажлын талаар хэрэглэгчдэд зар түгээж мэдээлсэн. Мөн бүх хүн мэдээлэлтэй байгаа эсэх талаар утсаар тодруулж буй. Засварын ажил товлогдсон хугацаанд дуусна гэлээ.