Увс аймгаас гарах авто замын хөдөлгөөнийг өглөөний 08.00 цагаас эхлэн нээлээ. Увс аймгийн ихэнх нутгаар өнгөрсөн өдрүүдэд цас орж цасан болон шороон шуурга шуурч, хүйтний эрч чангарч, улсын болон орон нутгийн чанартай зам даваа хаагдаж, үзэгдэх орчин хязгаарлагдах нөхцөл үүсч болзошгүй байсан юм. Иймээс Увс аймгаас гадагш гарах авто замын хөдөлгөөнийг өнөөдрийн 08.00 цаг хүртэл хугацаанд хязгаарлах тухай Увс аймгийн Засаг даргын захирамж гараад байсан юм.