УУХҮ-ийн сайд Д.Сумъяабазар ажлаа авсан даруйдаа анхны томилолтоо 2017 оны 11 дүгээр сарын 10-12-ны өдрүүдэд Өмнөговь аймгаас эхлүүлсэн юм. Тэрбээр Монгол Улсад уул уурхайн салбар үүсч хөгжсөний 95 жилийн ойн хүрээнд зохион байгуулсан “Говийн бүсийн чуулга уулзалт”-нд оролцсоны зэрэгцээ “Эрдэнэс Тавантолгой”, орон нутгийн өмчит “Тавантолгой”, “Энержи ресурс”, “Оюутолгой” компаниудын үйл ажиллагаатай танилцсан юм. Мөн тухайн үед 100 гаруй км үргэлжлээд байсан нүүрс тээвэрлэлтийн машинуудын түгжрээг арилгах зорилгоор газар дээр нь очиж ажилласан билээ.