Ээж нар “утааны эсрэг ээжүүдийн холбоо”-г байгуулж Сүхбаатарын талбайд энэ сарын 26-нд тайван жагсаал хийхээр төлөвлөөд буй.
Зохион байгуулагчдын зүгээс жагсаал хийх хүсэлтээ энэ сарын 19-нд өгсөн бөгөөд Нийслэлийн Засаг Даргын Тамгын Газраас ирэх Даваа гарагт 12:00 -14:00 цагийн хооронд жагсаал хийх зөвшөөрөл олгосон байна.
Жагсаал зохион байгуулагчид “Утааны эсрэг ээж, аавууд” фэйсбүүк групп, “Утааны эсрэг ээж, аавуудын холбоо” гэсэн хуудас ажиллуулж байгаа юм. Мөн тэд хар масктай жагсах болсноо илэрхийлээд байна.
Жагсаалыг илүү үр дүнтэй болгох тал дээр та өөрийн саналаа хэлж зохион байгуулалтын ажилд оролцох боломж нээлттэй ажээ.
