Утаажилтын бүсээс найман иргэнийг гаргажээ. Тодруулбал, Баянгол дүүргийн гуравдугаар хороонд орцонд утаа гарч байна гэсэн дуудлага өчигдөр Онцгой байдлын газарт иржээ. Дуудлагын дагуу Чингэлтэй дүүргийн Онцгой байдлын хэлтсийн Гал түймэр унтраах аврах 10 дугаар ангийн алба хаагчид тухайн газарт очиход тус байрны дөрөвдүгээр давхарт иргэн Ө-гийн хоёр өрөө /58 м2/ байранд цахилгаан тогоо, хиншүү сорогч тус тус шатаж байсныг 10 минут ажиллаж унтраасан байна. Улмаар утаажилтын бүсээс найман иргэнийг гаргажээ.