Монголын сагсан бөмбөгийн холбооноос өсвөр болон залуучуудын шигшээ багийн төлөөлөл болсон баг тамирчид өчигдөр эх орондоо ирсэн байна. Тэд БНХАУ-ын Тяньжин хотод 14 хоногийн хамтарсан бэлтгэл, сургалтад хамрагдсан ажээ. Тус хотын мэргэжлийн сагсан бөмбөгийн лигт бэлтгэгдэж буй ‘Tianjin Gold Lion’ клубтэй бэлтгэл хийсэн байна. Манай сагсчид бэлтгэлийн үеэр Тяньжин хотын залуучуудын багтай тоглолт хийсэн бөгөөд 69:65 онооны харьцаагаар ялсан бөгөөд тус баг нь БНХАУ-ын их, дээд сургуулийн сагсан бөмбөгийн багуудын дунд эхний наймд бичигддэг байна.