УИХ-ын чуулганы үдээс хойшхи хуралдаан товлосон хугацаанаасаа 1 цаг орчмоор хоцорч эхэллээ.
Уг чуулганаар Өршөөлийн хуульд оруулах нэмэлт өөрчлөлтийн төслийг хэлэлцэж эхлээд байна.
Үүнтэй холбогдуулан хуулийн төслийг хаалттай хэлэлцэх ёстой гэсэн горимын саналыг УИХ-ын гишүүн, Батлан хамгаалахын сайд Ц.Цолмон гаргасан бол УИХ-ын гишүүн Х.Тэмүүжин “Нээлттэй хэлэлцэх ёстой. Хаалттай хэлэлцвэл ард түмний дунд улам л хардлага төрүүлнэ. Өршөөлийн хуульд тавьсан хоригийг хэлэлцэж эхэлсэн үеэс УИХ нээлттэй горимоор хэлэлцсэн. Нээлттэй хэлэлцэх ёстой” гэсэн юм. Дээрх саналтай УИХ-ын гишүүн С.Бямбацогт санал нэг байгаагаа илэрхийлж, нээлттэй хэлэлцэхийг хүслээ.
Харин УИХ-ын гишүүн Д.Тэрбишдагва бүлгээс чиглэл ирлээ, УИХ дахь МАХН-МҮАН-ын Шударга ёс эвслийн бүлэг тав хоногийн завсарлага хүсч байна гэсэн юм.
Үүний дараа УИХ-ын дэд дарга Р.Гончигдорж МАХН-МҮАН-ын Шударга ёс эвслийн бүлэгт тав хоногийн завсарлага өглөө