Энэ жилийн үндэсний их баяр наадам
долдугаар сарын 7-ны өдрөөс Урианхай сурын харваагаар эхэлсэн. Тулгар
төрийн 2224, Их Монгол Улсын 809, Ардын хувьсгалын 94 жилийн ой,
Үндэсний их баяр наадмын Урианхай сурын харваанд Дархан мэргэн 1, Хошой
мэргэн 3, Улсын мэргэн 6 гээд нийт 150 харваач оролцсон байна. Гурван
өдөр үргэлжилсэн Урианхай сурын харваа өндөрлөж, цэц мэргэнүүдээ
тодрууллаа.
Нэгдүгээр байрт – Харваач Б.Хатансайхан /“Алдар” спорт хороо, “Жем интернэшнл” ХХК/ – 28 оноогоор
Хоёрдугаар байрт – Харваач н.Чулуунбат /Ховд аймаг/ – 27 оноогоор
Гуравдугаар байрт – Хошой мэргэн харваач Б.Мөнхтөр /“Шинэ налайх” баг/ – 26 оноогоор
Дөрөвдүгээр байрт – Харваач З.Баярсайхан /Ховд аймаг/ – 25 оноогоор
Тавдугаар байрт – Харваач Б.Бямбажав /“Тод номын гэрэлт төв”, “Шинэ Налайх” баг/ – 25 оноогоор
Урианхай харваанд зөвхөн эрэгтэй
харваачид оролцдогоороо бусад харваанаасаа ялгаатай бөгөөд тэмцээнд
оролцогч урианхайн уламжлалт “хавчаахай” ба эвэр нумаар оролцдог. Сум нь
90-100 см урт, 1.1-1.3 см хөндлөн голчтой, 90-150 гр жинтэй байдаг.