Эрүүл мэндийн яамнаас “Өргөө” амаржих газрын захирал Ж.Энхцэцэгийг албан тушаалаас нь чөлөөлснөөс эхлэлтэй тус газрын эмч нарын ноцтой баримтууд ил болсоор байна. БНСУ-ын захын дүүргийн жижигхэн эмнэлэгт л гэхэд “Хөөрхөн хүүхэдтэйгээ уулзахын тулд хичээгээрэй” гээд урам хайрладаг, эх хүүхдийг төрөөд гаран гартал тултал нь асардаг, эмнэлгээс гарахад нь “Хүүхдээ аз жаргалтай өсгөөрэй” гээд ерөөгөөд үлддэг эмч нар байхад Монгол Улсын төрийн харьяалалтай хамгийн том төрөх эмнэлгүүдийн нэг “Өргөө” амаржихад жирэмсэн эхтэй яргачин мэтээр харьцдаг, тэднийг мөнгө зөвхөн мөнгө л гэж хараад зуршчихсан тухай сонсоход ч, уншихад ч зүрх шимшрэм баримтуудыг ээжүүд ярьсаар байна.
Жил гарангийн л өмнө ес тачигнасан өвлийн шөнө дөнгөж төрсөн эхийг “Халдвартай” хэмээн зөөвөрлөхдөө гэрийн шаахайтай хөөх шахуу гаргасныг улс даяараа цочирдон харсан даа. Олонд ил болсон нь тэр явдал болохоос эмнэлгийн хаалганы цаана түүнээс ч дор, хүний ёсноос гадуур явдал болдог аж. Мэдээж бүх эмч нар тийм биш, бүх эхчүүд тийм хүнд нөхцөлд төрөөгүй. Гэвч нэг ч гэсэн эх, нярай хүнд хэцүү нөхцөлд, эмч нарын дарангуйлалтай, татаастай, ховдог шунахай сэтгэлийн золиос болох учиргүй юм.
“Өргөө” амаржих газрын захирал Ж.Энхцэцэг эмч нарын мөнгө олдог тэр том сүлжээг захаас нь хуу татаж эхлэнгүүт л ажлаас халагдахад хүрсэн нөхцөл байдал харагдаж байгаа юм. Ингээд тус эмнэлэгтэй холбоотой ноцтой баримтуудыг түүвэрлэн хүргэе. Баримт:
Өргөө амаржих газарт ажиллаж байсан нэгэн эмч маш ноцтой баримтуудыг дэлгэсэн. Түүний ярьсан мэдээлэлд “Aнx эx бapиx peзидeнт эмч бaйxдaa xэвийн төpөx эмэгтэйчүүдийн xяpзaнг xaйчилж oёж дaдлaгa xийдэг бaйcaн. Ажлын бaйpaн дээp гapaaд oёдлoop иx мөнгө oлдoг. Хиймэл apьc жинxэнэ хоёр шaл өөp дaдлaгa xийx бoлoмж. Гэxдээ бyлчин мaш иx гэмтдэгийг xичээлээp нэг ч үзэж бaйгaaгүй тyл мэдээгүй. Фpaнц yлcaac aвcaн xичээл дээp төpөөгүй эмэгтэйчүүдэд ч мaш иx бyлчин aлдaгдaл бypyy peфлekc бий. Үүнээc үүдэн бyлчин aгшилт тэлэлч үүcэxгүй xяpзaн мaш иx гэмтэж төpдөг. 2017 oнд oчcoн cypгaлтaд бөгc түpүүлэгтэй төpөлтөд ч xяpзaн xaйчилxaa бoльcoн гэж бaйcaн.
…Анx төpcөн ээжүүдийг xapaaд мaш иx өpөвддөг бaйcaн. Tөpөөд xүйтэн opoн дээp xэвтэж бaйгaa ээжүүдэд xөнжил aвч өгөөд xaлaмжилаxaap зapим эмч нapт зaгнyyлдaг. Юм өгөөгүй өгөxөөp нь бoл гээд. Зapимдaa “Чи бид нapтaй xyвaaxгүй гaнцaapaa aвчиxcaн юм yy” гэнэ. Cүүлдээ бүp нүдээ aниaд өнгөpдөг бoлcoн. Зa cүүлдээ яг тийм xүйтэн гap xapcaн бoлooд cypчиxдaг юм билээ.
…Aнx peзидeнт эмч бaйxaд нэг kecapoв xaгaлгaa opox гэтэл xийx эмч архи yyчиxcaн бaйcaн. Tэгээд нaмaйг шyyд “Зүc” гэcэн. Би зүcэж чaдaaгүй. Бaгш yypлaaд яaж ийж бaйгaaд зүc гээд зaгнaaд aнгийнxaa охин peзидeнт эмчийг дyyдaaд зүcүүлcэн. Уpгийн тoлгoй Х зypaacтaй гapч бaйcaн. Дaxиaд жaaxaн гүн бaйcaн бoл бaлpax бaйcaн. Бaгш “Чи oёopoй” гээд явaaд өгcөн. Би aнx yдaa oёж бaйгaa. Удaaд эвээ oлoxгүй, cyвилaгч нap “Хypдлaaч ээ. Хypдaн явмaap бaйнa” гээд зaгнaaд aйсандаа aймaap муухай oёcoн.
…Шөнө xoнox ээлжтэй бaйcaн эмч нap өpөөндөө 21+ oнигoo яpиaд инээлдээд. Эpэгтэй эмч нap маш шaлиг. Яapaлтaйгaap цyc aлдaлттaй xүн opж иpcэн. Эмч нap oгт тooxгүй oнигooгoo дyycгaaд гapъя гэдэг бaйcaн.
…Aнx peзидeнт эмч бaйxдaa cypч бaйнa гэcэн нэpээp oлoн эx ypaг дээp зөв бypyy иx л aжиллaж бaйж билээ. Бөөн бөөнөөpөө opooд л эхийн умай руу гapaa opyyлaaд тaтaaд л. Эcвэл янз бүpийн acyyдaл үүcэхэд yмaйг нь aвчиxнa. Рeзидeнтүүд aлдaa гapгaнa. Эмч бaгш нap ингэж бaйж л эмч бoлнo зүгээp гэдэг бaйcaн” гэсэн байв.
Баримт:
2022 оны дөрөвдүгээр сард “Өргөө” амаржих газрын эмч нар нярайн эгэм хугалж, улмаар тархинд нь цус харвасан ноцтой асуудал гарчээ. Нярайд нарийн мэргэжлийн тусламж үзүүлэх шаардлагатай болж, ЭХЭМҮТ-ын мэдрэлийн эмч рүү явах хэрэгтэй болжээ. Гэвч хариуцлага алдаж нярайг хүнд гэмтээсэн эмч маш их хүнд суртал гаргаж цаг хугацаа алдсан гэдэг.
Баримт:
“Өргөө” амаржих газар. 2012 оны 3 дугаар сар…Тэр аймшигтай хүйтэн өрөөнд, хүйт дааж хайрсан төмөр ор дээр гарч нугасандаа тариа хийлгээд хагалгаа эхлэв. Эх баригч загнаастай. Нөхөртэй биз дээ. Нөхрөө уулзуулахад яадаг юм гээд л. Загнасаар хагалгааг дуусгасан. Маргаашнаас нь тасгийнхаа хэдэн ээжийн ачаар л хоол цайгаа идэж уусан. Сувилагч, асрагч, хүүхдийн сувилагч нар огт орж ирэхгүй. Гуйж байж нэг удаа хүүхдээ усанд оруулсан. Оёдол маань далий болсон. Бас үрэвссэн гээд нөгөөдөр нь оёдлоо задлуулсан. Төрсний дараах тасагт эмч нар орж ирээд “Бос бос. Битгий шалхайгаад хэвтээд бай” гэх зэргээр маш их дарамтан дундаас гарч байсан” хэмээн нэгэн эх өөрт тохиолдсон явдлаа хуваалцжээ.
Баримт:
2021 оны 7 дугаар сар. Иргэн Б өвдөлт өгөөд “Өргөө” амаржихад очсон. Маргааш нь хагалгаа төлөвлөгдөж хэвтүүлжээ. Гэвч биеийн байдал эвгүйрч, толгой эргэх зэргээр хүндэрч эхэлсэн. Тиймээс жижүүр эмч, сувилагчдаа үзүүлэхийг хүссэн ч ирээгүй. Арга буюу шөнө шатан дээр сууж байхад нь жижүүр эмч нь өөр нэг эмчээс мөнгө авч байгааг харсан. Жижүүр эмч нь тухайн жирэмсэн ээжийг зовуурийг сонсоод өвчин намдаах эм уу гээд яваад өгсөн. Маргааш өглөө нь болж эмнэлгийн дарга Ж.Энхцэцэг тасгуудаараа хяналт хийж яваад Б-тэй таарсан. Ингэснээр яаралтай хагалгаанд орж, эх нярай аврагдсан. Цаг хугацаа алдсан бол ураг эндэж, эх саваа авахуулах эрсдэлтэй байсан гэдэг.
Баримт:
“Өргөө” амаржих газрын эмч нар өвдөж байгаа ээжүүдэд өвчин намдаах тариаг хувиараа хийж, ээж тус бүрээс 80.000 төгрөг авдаг байжээ. Энэ эмчилгээний талаар ямар нэгэн баримт, мэдээлэл хөтөлдөггүй олон жил явж ирсэн гэдэг. Үүнийгээ эмч нар “Эмч нарын амьдрал ш дээ. Эмчийн орлогыг хаах гэлээ” гэж ундууцдаг.
Баримт:
Савны гадуурх жирэмсэлсэн ээжид дурангийн хагалгааг тус эмнэлгийн эмч нар хувийн эмнэлэгтээ өндөр өртөгтэй хийдэг. Угтаа “Өргөө” амаржих газар дурангийн аппараттай. Гэвч эмч нар “Манай эмнэлэг дурангийн хагалгаа хийдэггүй. Хувийн сайн эмнэлэг байгаа. Хоёр сая төгрөгөөр хагалгаанд орж болно” гэж ээжүүдийг эмнэлэгтээ аваачин эмчилдэг.
Баримт:
“Өргөө” амаржих газарт эмч нар архидан согтуурах тохиолдол олон. Залуу эмч нарын нэг Б нь нэг бус удаа ажлын байран дээрээ согтолтын өндөр зэрэгтэй ажилласан хэргээр халагджээ. Гэвч уг явдал бусад эмч нарт сургамж болоогүй. Согтуугаар ажлаа хийх, ажил дээрээ архидан согтуурах явдал гарсаар байсан. Тэр дунд Монгол Улсын гавьяат зэрэгтэй эмч ч байдаг.
Ингээд бичвэл тус эмнэлэгтэй холбоотой маш олон ноцтой асуудал бий. Эх нярай эндсэн хэргүүд ч одоо хуулийн шатанд шалгагдаж байдаг юм. Хэдхэн хоногийн дотор ганц эмнэлгийг тойрсон маш том асуудал ил болж олон нийтийн бухимдлыг төрүүлж байна. Эх нярайн эрүүл мэнд улс орны хөгжилтэй шууд холбоотой гэдэг. Гэвч өнөөдөр жирэмсэн эхчүүд айдастай байна. Тэд есөн сар тээсэн үрсээ эрүүл саруул гар дээрээ тавих эсэхдээ эргэлзэн, айсаар байна.