Ургац хураалтын явцын мэдээгээр улсын хэмжээнд 2021 оны 10 дугаар сарын байдлаар 568.7 мянган тонн үр тариа, 178.8 мянган тонн төмс, 114.4 мянган тонн хүнсний ногоо хурааж, 1.1 сая тонн хадлан, 29.3 мянган тонн гар тэжээл, 2.8 мянган тонн дарш бэлтгэсэн байна.
Өмнөх оны мөн үеэс хураасан үр тариа 174.8 (44.4 хувь) мянган тонноор, хүнсний ногоо 4.5 (4.1 хувь) мянган тонноор, бэлтгэсэн хадлан 152.8 (15.8 хувь) мянган тонноор тус тус өсөж, харин хураасан төмс 62.5 (25.9 хувь) мянган тонноор, бэлтгэсэн гар тэжээл 1.3 (4.1 хувь) мянган тонноор, дарш 0.4 (13.5 хувь) мянган тонноор тус тус буурсан байна. Хураасан үр тарианы 5.0-30.8 хувь Хөвсгөл, Дорнод, Увс, Булган, Төв, Сэлэнгэ аймагт, хураасан төмсний 2.3-58.0 хувь Өвөрхангай, Булган, Дархан-Уул, Ховд, Сэлэнгэ, Төв аймагт, хураасан хүнсний ногооны 2.4-28.0 хувь Өвөрхангай, Орхон, Ховд, Дархан-Уул, Төв, Сэлэнгэ аймагт ногдож байна.