Коронавирусийн шинэ хувилбар гарсантай холбогдуулан УОК өнөөдөр хуралдсан. Хуралдаанаас гаргасан шийдвэрээ танилцуулж байна.
УОК-ын дарга, Шадар сайд С.Амарсайхан “Эрдэмтэд шинэ хувилбар омикроныг судалж эхэлсэн ба эцсийн байдлаар судалгааны дүгнэлт албан ёсоор гараагүй байна. Асуудалд тайван хандаж, сандрахгүй байхыг хүсье. Өнөөдрийн хуралдаанаар дараах арга хэмжээг тээвэрлэлээ.
1. Халдвар тархсан улсаас ирж байгаа болон тухайн улсаар дайран ирж байгаа гадаадын иргэдийг хүлээн авахгүй.
2. Харин өөрийн улсын иргэдээ /өөрийнх нь зардлаар/ тусгаарлалтад 10 хоног байлгах
3. Өнөөдөр ирэх 200 гаруй энхийг сахиулагчдыг 14 хоног тусгаарлана
4. Нисэх онгоц, авто замын боомт орчимд иргэд, зорчигчдоос шинжилгээ авна
5. Онцын шаардлагагүй бол гадагшаа аялахгүй байх, аялсан бол иргэн ирээд 10 хоног тусгаарлагдана” гэлээ.
Эрүүл мэндийн сайд С.Энхболд “Вакцины идэвхийг сулруулах магадлалтай байгаа ба халдвар тархах чадвар нь дельта хувилбараас хэд дахин илүү байна. Бид одоогоор ямар нэгэн арга хэмжээ авахгүй, ажиглалтын байдалд байна.
Хэрэв мутицид орсон шинэ хувилбар орж ирвэл бид бүүстер тундаа идэвхтэй хамрагдсан байх шаардлагатай байгаа юм. Мөн онцын шаардлагагүй бол гадаадад зорчихгүй байхыг уриалж байна” гэв.