Эх хэлээ дээдлэх, үндэсний бичиг соёлоо хадгалан хамгаалах, сурталчилах зорилгоор жил бүрийн тавдугаар сарын эхний ням гаригийг“Үндэсний бичиг үсгийн баяр” болгон зохион байгуулдаг уламжлалтай. Энэ жилийнхувьд Үндэсний бичиг үсгийн баяр өнөөдөр буюу тавдугаар сарын 3-ны өдөр тохиож байна.
Баярын нээлтийн үйл ажиллагаа Монголын Үндэсний номын сангийн өмнөх талбайд 11.00 цагт болсон бөгөөд энэ үеэр Монгол бичгийг залах ёслол боллоо. Мөн уран бичих төлбөрт үйлчилгээ, номын худалдаа, үнэт ховор номын үзэсгэлэн, монгол бичиг үсгийн цахим болон уламжлалт үзэсгэлэнг зохион байгуулж байгаа юм.
Түүнчлэн “Үндэсний бичиг үсгийн баяр-2015” арга хэмжээний хүрээнд “Болор цом” хүртсэн яруу найрагчдын шүлгүүдийг уран сэтгэмжтэй, хичээнгүй бичих уралдаан явуулж, “Болор цом”-ын шагналт яруу найрагч, уншигчдын уулзалтыг зохион байгуулах гэж байна.