Дэлхийн галзуу өвчнийг Хянах Холбооны санаачлагаар анх 2007 оноос эхлэн энэ өдрийг тэмдэглэх болжээ. Галзуу өвчинтэй тэмцэх өдрийг дэлхийн 135 оронд тэмдэглэн өнгөрүүлдэг байна. Улс орнууд галзуу өвчнөөс эрт сэрэмжлүүлэх, хариу арга хэмжээ, хяналт, сэргийлэлтийн талаарх үйл ажиллагаа болон галзуу өвчнөөс 100 хувь урьдчилан сэргийлэх боломжтой гэдгийг сурталчлах арга хэмжээг зохион байгуулдаг аж.
Манай улсын хувьд ЗӨСҮТ болон аймаг, нийслэлийн ЗӨСТ-үүд энэ өдөр галзуу өвчнөөс сэргийлэх хариу арга хэмжээг оновчтой хэрэгжүүлэх ажлыг зохион байгуулдаг. Энэ жил аян зарлаж 14 заалт бүхий төлөвлөгөөг ЭМЯ, НЗАА, НМЭГ, НЭМГ зэрэг албан байгууллагад хүргүүлж ажиллажээ. Мөн 2 мянга орчим зурагт хуудсыг 21 аймгийн эрүүл мэндийн төвд тараажээ.