Казахстаны Алмата хотод дэлхийн оюутны өвлийн спортын “Универсиад” наадмын нээлтийн ёслол өчигдөр “Алмата арена” спортын ордонд боллоо. Өнөөдөр тус наадмын эхний өдөр манай зургаан тамирчин цанын төрөлд хурд сорих юм. Тухайлбал “Алатау” цанын цогцолборт Б.Ачбадрах, У.Батжаргал, Б.Амарсанаа нар цанын 10 км-ын зайд уралдана. Харин эмэгтэйчүүдээс Б.Дэлгэрмаа, Ч.Отгонцэцэг, А.Энхтуул нар таван км-ын зайд өрсөлдөх гэж байна.