Өнөөдөр хөшөө дурсгалыг хамгаалах олон улсын өдөр тохиож байна. Жил бүрийн дөрөвдүгээр сарын 18-ны энэ өдрийг дэлхий дахин хөшөө дурсгалыг хамгаалах өдөр болгон тэмдэглэсээр иржээ.
Монгол Улсын нийслэл Улаанбаатар хот нь эдүгээ 170 орчим хөшөө дурсгалтай аж. Жил ирэх тусам хөшөө дурсгалын тоо өсч ирсэн байна. Гэвч зарим нэг хүмүүсийн бусармаг үйлдлээс хөшөө дурсгал эвдэрч, сүйтгэгддэг. Жил тутамд хөшөө дурсгалыг сэргээн засварлахад зориулж 100 орчим сая төгрөг тусгадаг ч тэр нь хаанаа ч хүрэлцдэггүй гээд асуудал ихтэй аж.
Тиймээс холбогдох газруудын зүгээс хөшөө дурсгал барихаас эхлүүлээд арчлах хүртэлх бүхий л зохицуулалтыг шинэчлэхээр ажиллаж байгаа юм байна.