Жүдо бөхийн Абу Дабигийн “Гранд Слам”-ын тэмцээн эхэлж байна. Тэмцээнд 88 орны 489 зодоглож байгаа бөгөөд манай 16 бөх зодоглох юм.Тодруулбал, 60 кг-ын жинд дэлхийн аварга, гавьяат тамирчин Г.Болдбаатар “D” хэсгийг тэргүүлэн барилдах бөгөөд эхний тойрогтоо гоц мөргөөд Мексик, Хонгконгийн бөхчүүдийн хожсонтой эхний барилдаанаа хийхээр оноолт таарчээ. ДАШТ-ий хошой мөнгөн медальтай ОБЕГ-ын Аврагч спорт хорооны тамирчин ОУХМ Ц. Цогтбаатар”В” хэсэгт Болгарын Янислав Герчевтэй, учраа таарсан. 66 кг-ын жинд залуу тамирчин Н.Мөнхбаяр Канадын бөхтэй, 73 кг-д Г.Балсанлүндэв Колумбын бөхтэй “Гранд Слам” ангилалын анхны тэмцээндээ зодоглоно.
Мөн эмэгтэйчүүдийн 48 кг-д залуучуудын ДАШТ-ий хүрэл медальт “Женко” клубийн бөх Г.Наранцэцэг ОХУ-ын бөхтэй, Э.Гэрэлмаа БНХАУ-ын бөхтэй “Их дуулга”-ын эхний барилдаанаа хийнэ. 52 кг-ын жинд мөн залуучуудын ДАШТ-д оролцон шагналт 5-р байр эзэлсэн П.Буянхишиг олимп, дэлхийн хүрэлтэй Францын Присила Гнетотой барилдах бол Алтанцэцэг АНУ-ын Анжелика Дельгадотой хүч барилдахаар болжээ.