Сургуулийн бүсэд хүүхдэд аюулгүй орчныг бүрдүүлж, суралцагч гэр сургуулийн хооронд үнэ төлбөргүй зорчих ажлын хүрээнд нийслэлд “Сургуулийн автобус” төсөл хэрэгжиж буй. Энэ хүрээнд дөрөв дэх жилдээ сургуулийн автобус үйлчилж эхэллээ. Хүрэлцээ муутай, стандарт шаардлагыг хангаж чаддаггүй ч суралцагчдад нийтийн тээврийн энэхүү үйлчилгээ зайлшгүй шаардлагатай.
“Сургуулийн автобус” төслийн хүрээнд 75 хүүхдийн автобусыг оруулж ирэхээр НЗДТГ 2018 онд “Моннис” ХХК-тай гэрээ байгуулсан ба 25 автобус ирсэн, 50 автобус нийлүүлээгүй хүлээгдэж байна. Иймд үлдсэн 50 автобус нийлүүлэх хүртэлх хугацаанд 24 автобусыг 24 чиглэлд өнөөдрөөс буюу есдүгээр сарын 5-наас явуулж эхэллээ.