Замын хөдөлгөөний зохиомол түгжрэлийг бууруулах зорилготой “Зориулалтын дугуй түгжигч ашиглах журам”-ыг НИТХ-ын тэргүүлэгчдийн тогтоолоор баталж, мөрдүүлсэн. Дээрх журмыг хүчингүй болгож, өнөөдрөөс эхлэн автомашины дугуй түгждэг явдлыг зогсоох үүргийг НИТХ-ын дарга Ц.Сандуй Гэмт хэргээс урьдчилан сэргийлэх ажлыг зохицуулах зөвлөлийн хурал дээр холбогдох албаныханд өгсөн байна.
Замын хөдөлгөөнд саад учруулж, холбогдох дүрэм журмыг зөрчин зорчих хэсэгт машинаа байршуулсан машины дугуйг түгжээд зөрчил арилахгүй. Дугуй түгжсэнээр замын хөдөлгөөнд улам л саад учруулж эсрэгээрээ аж ахуйн нэгжүүдийн мөнгө олох хэрэгсэл болж байгааг Нийслэлийн Гэмт хэргээс урьдчилан сэргийлэх ажлыг зохицуулах зөвлөлийн нарийн бичгийн дарга М.Буяндэлгэр онцоллоо.
О.ӨНӨР