Манай улсын иргэдийн нас баралтыг шалтгааныг зүрх судас, хавдрын өвчлөл, осол гэмтэл, амьсгалын замын өвчлэл тэргүүлдэг. Эдгээрээс хамгийн их сэтгэл эмзэглүүлсэн асуудал нь олон төрлийн хавдрын өвчлөл. Хавдрын өвчтэй хүмүүс эрт эмнэлэгт хандаагүйгээс болж хүндэрсэн үедээ хорт хавдартай гэдгээ мэддэг. Тиймээс ирэх тавдугаар сарын 1-нээс иргэн бүрийг эрүүл мэндийн урьдчилан сэргийлэх, эрт илрүүлэх үзлэг, оношилгоонд хамруулж эхлэхээр төлөвлөөд байна. Үүнд зориулж 2022 оны төсөвт Эрүүл мэндийн даатгалын санд 60.8 тэрбум төгрөгийн төсөв тавьсан. Манай улсын дундаж наслалт эмэгтэй 70.8, эрэгтэй 60.6 жил байдаг. 2024 он гэхэд энэ насны зөрүүг таван жил болгоно гэсэн заалт Засгийн газрын мөрийн хөтөлбөрт бий. Энэхүү зорилтоо хэрэгжүүлэхэд хавдрыг эрт илрүүлэх нь чухал юм.
2021 оны байдлаар Монгол Улсад нийтдээ 24 мянган хүн хорт хавдраар өвчилж, эмнэлгийн хяналтад оржээ. Тэдний 456 нь 19-өөс доош насны хүүхдүүд байна. Өнгөрсөн онд 115 хүүхэд шинээр хорт хавдар өвчний онош тогтоолгожээ.