Хуульзүй, дотоод хэргийн сайд Ц.Нямдорж, Тагнуулын Ерөнхий газрын дарга Б.Хурц нарын харилцан мэдэгдэл өнгөрсөн долоо хоногийн онцлох үйл явдлын нэг байв. Тагнуулын Ерөнхий газрын дарга Б.Хурц шинээр томилогдсон сайд Ц.Нямдорж нь энэ салбарыг тэргүүлэх бүртээ С.Зоригийг хэргийн илрүүлэлтэд саад учруулдаг хэмээн мэдэгдэл хийв. Харин хуульзүйн сайд Ц.Нямдорж “Зул бөхөхийнхөө өмнө бадамладаг.Тийм л үйл явц. ТЕГ-ын даргын солино” хэмээн мэдэгдэв.
Энэ мэт өнгөрсөн долоо хоногт болсон онцлох үйл явдлуудыг тоймлон хүргэе.
Монгол Улс дефолтын эрсдэлээс гарах нөхцөл бүрдлээ
Монгол Улс олон улсын хөрөнгийн зах зээл дээрээс санхүүжилт босгох хэлэлцээрийг хийж 5.625 хувийн хүүтэй 5.5 жилийн хугацаатай 800 сая ам.долларын санхүүжилтийг татахаар боллоо. Энэ үйл явдал өнгөрсөн долоо хоногийн онцлох үйл явдлуудын нэг байв. Санхүүжилт 11 дүгээр сарын эхэнд Монгол Улсад орж ирэх бөгөөд 2018 онд төлөгдөх Чингис болон Димсам бондуудын эргэн төлөлтийг хийхэд зарцуулагдана. Ийнхүү 2017 онд Хөгжлийн банкны 580 сая ам.долларын бонд, Хятадын Ардын банктай хийсэн 15 тэрбум юанийн своп хэлцэл, Чингис бонд болон Димсам бондын эргэн төлөлт шийдвэрлэгдсэнээр Монгол Улс 2021 он хүртэл гадаад төлбөрийн эргэн төлөлтийн дефолтын эрсдэлээс гарах нөхцөл бүрдлээ. Эдгээр гадаад эргэн төлөлттэй холбоотой байсан тодорхой бус байдал арилснаар зах зээл дээрх итгэл нэмэгдэх, гадаад болон дотоодын хөрөнгө оруулагчдын хүлээлтэд эерэг нөлөө үзүүлэх зэрэг ач холбогдолтолтой юм.
Г.Маралмаа, Т.Цогт нарт холбогдох хэргийг Дээд шүүх хэлэлцэвУлсын Дээд шүүхийн хяналтын шатны эрүүгийн хэргийн шүүх хуралдаанаар Г.Маралмаа, Т.Цогт нарт холбогдох хэргийг шүүгдэгч нар болон шүүгдэгчийн өмгөөлөгчийн гаргасан гомдлын дагуу өнөөдөр өдөр хянан хэлэлцлээ.
Анхан болон давж заалдах шатны шүүх Г.Маралмаа, Т.Цогт нарыг хүнийг санаатай алсан гэмт хэргийг бусдыг биеэ хамгаалж чадахгүй байгааг мэдсээр байж онц харгис хэрцгий аргаар бүлэглэн үйлдсэн, бусдыг байнга зодох буюу тарчлаах гэмт хэргийг бүлэглэн үйлдсэн гэм буруутай гэж үзэж, 2002 оны Эрүүгийн хуулийн 91 дүгээр зүйлийн 91.2.11, 91.2.12, 91.2.15 дахь хэсэгт зааснаар Г.Маралмаад 23 жил, Т.Цогтод 20 жил хорих ял тус тус оногдуулсан юм.
Улсын Дээд шүүхийн хяналтын шатны эрүүгийн хэргийн шүүх хуралдаанаас 2015 оны Эрүүгийн хуулиар шүүгдэгч нарт ногдуулах ял хөнгөрч, эрх зүйн байдлыг дээрдүүлж байх тул Эрүүгийн хуулийг буцаан хэрэглэх нь зүйтэй гэж үзэж, Г.Маралмаад оногдуулсан ялыг 18 жил, Т.Цогтод оногдуулсан ялыг 13 жил хорих болгон өөрчилж, уг ялыг хаалттай дэглэмтэй хорих ангид эдлүүлэхээр тогтоолоо. Мөн сэтгэл санааны хохиролд 50 сая төгрөгийг шүүгдэгч нараас хувь тэнцүүлэн гаргуулж, хохирогчийн хууль ёсны төлөөлөгчид олгохоор шийдвэрлэв.
Анхан болон давж заалдах шатны шүүх Г.Маралмаа, Т.Цогт нарыг хүнийг санаатай алсан гэмт хэргийг бусдыг биеэ хамгаалж чадахгүй байгааг мэдсээр байж онц харгис хэрцгий аргаар бүлэглэн үйлдсэн, бусдыг байнга зодох буюу тарчлаах гэмт хэргийг бүлэглэн үйлдсэн гэм буруутай гэж үзэж, 2002 оны Эрүүгийн хуулийн 91 дүгээр зүйлийн 91.2.11, 91.2.12, 91.2.15 дахь хэсэгт зааснаар Г.Маралмаад 23 жил, Т.Цогтод 20 жил хорих ял тус тус оногдуулсан юм.
Улсын Дээд шүүхийн хяналтын шатны эрүүгийн хэргийн шүүх хуралдаанаас 2015 оны Эрүүгийн хуулиар шүүгдэгч нарт ногдуулах ял хөнгөрч, эрх зүйн байдлыг дээрдүүлж байх тул Эрүүгийн хуулийг буцаан хэрэглэх нь зүйтэй гэж үзэж, Г.Маралмаад оногдуулсан ялыг 18 жил, Т.Цогтод оногдуулсан ялыг 13 жил хорих болгон өөрчилж, уг ялыг хаалттай дэглэмтэй хорих ангид эдлүүлэхээр тогтоолоо. Мөн сэтгэл санааны хохиролд 50 сая төгрөгийг шүүгдэгч нараас хувь тэнцүүлэн гаргуулж, хохирогчийн хууль ёсны төлөөлөгчид олгохоор шийдвэрлэв.
Ерөнхийлөгч хориг тавив
Хуралдаанаар УИХ-ын 58 дугаар тогтоолд Ерөнхийлөгч хориг тавьсан. Тодруулбал, Ч.Хүрэлбаатарыг Засгийн газрын гишүүн-Сангийн сайдаар томилсон Улсын Их Хурлын 2017 оны 10 дугаар сарын 20-ны өдрийн 58 дугаар тогтоолын 1 дүгээр заалтын 6 дахь дэд заалтад Монгол Улсын Үндсэн хуулийн Гучин гуравдугаар зүйлийн 1 дэх хэсгийн 1, Монгол Улсын Ерөнхийлөгчийн тухай хуулийн 12 дугаар зүйлийн 8 дахь хэсгийг тус тус үндэслэн хэсэгчлэн хориг тавьж байгаа гэв. Уг асуудлыг Хуульзүйн байнгын хороо өнгөрсөн баасан гарагт хэлэлцэн санал хураалаа. Хуралдаанд оролцсон гишүүдийн 90 хувийн саналаар Ерөнхийлөгчийн хоригийг хүлээж авахыг дэмжсэнгүй.
П.Орхон МУГТ боллоо
“Парис-2017” ДАШТ-ий алтан медальт, Азийн АШТ-ий мөнгө, залуучуудын ДАШТ-ий хүрэл, цэргийн ДАШТ-ий алт, мөнгөн медальт П.Орхонд өнгөрсөн баасан гарагт МУ-ын ерөнхийлөгч Х.Баттулга МУГТ цол тэмдгийг нь гардуулан өглөө. Тэрбээр энэ онд оролцсон бүх тэмцээндээ түрүүлээд байсан юм. Түүний гаргасан амжилтуудыг жагсаавал Иван Ярыгиний нэрэмжит “Алтан Гранпри” тэмцээний хошой аварга, Бакугийн “Алтан гранпри” тэмцээний мөнгө, Парисын “алтан гранпри” тэмцээний хүрэл, Польшийн нээлттэй тэмцээний хошой аварга, Испаний гранпригийн аварга, Монгол улсын хошой аварга, “Mongolia Open” буюу Монголын нээлттэй тэмцээний гурван удаагийн аварга гээд явж өгнө.
Үндэсний шигшээ баг, “Алдар” спорт хороо, “Аваргууд” академийн тамирчин П.Орхон нь чөлөөт бөхөөс төрсөн тав дахь дэлхийн аварга билээ. Тэрбээр ингэснээр чөлөөт бөхийн спортоос төрсөн 58 дахь, чөлөөтийн тамирчдаас төрсөн 43 дахь, эмэгтэй бөхчүүдээс төрсөн 9 дэх гавьяат тамирчин болж нэрээ түүхийн хуудсанд алтан үсгээр бичүүлж байна.