Ардчилсан намын шинэчлэл хөдөлгөөнөөс Үндсэн хуулийн өөрчлөлтийн асуудлаар мэдээлэл хийлээ. Тэд Үндсэн хуулийн өөрчлөлтөд авлигын эсрэг шинэ зүйл заалтыг санаачлан тусгахаар болжээ. Уг заалтыг Үндсэн хуульд тусгаснаар олон нийт авлигын эсрэг тэмцэх боломж бүрдэх ёстой. Ингэснээр сүүлийн 30 жил бугшсан авлига хээл хахуулийн асуудал арилах боломжтой гэж үзэж буйгаа илэрхийллээ. Түүнчлэн УИХ-ын гишүүд болон АН-ын удирдлагууд Үндсэн хуулийн өөрчлөлтийн санал асуулгыг хэлэлцэхдээ хариуцлагын тухайд “амаа үдүүлсэн” гэдгийг онцлов. Энэ тухай тус хөдөлгөөнийхөн “Өнгөрсөн 30 жилд төрийн өндөр албан тушаалтан, хоёр намын эрх баригчдын дунд нэг ч хариуцлагын асуудал яригдаагүй. Авлигын асуудалд нэг ч хүн хариуцлага хүлээгээгүй. Төрийн алба бүүхэл нэг байгууллагын алба хаагч тэрбумаар нь авлига авчхаад 40 сая төгрөгөөр торгуулж буй нь Монголд авлига байх ёстой гэсэн л асуудал болчхоод байна. Улс төрийн намуудад авлига үүрлэсэн байна. Иймд ард түмнээрээ авлигатай тэмцэх ёстой” гэв.