Монголын Залуучуудын Холбоо, Монголын дугуйн холбоо, Монголын триатлоны холбоо, “Залуу дугуйчин” клуб, “Найс байк клуб”, “Cannondale”, “Attila”, “Trek” дугуйн дэлгүүр хамтран “Унадаг дугуйтай Улаанбаатар” хөтөлбөрийг хэрэгжүүлж байгаа билээ.
Тэгвэл тус багийнхан энэхүү төслийнхөө хүрээнд “Унадаг дугуйн зогсоолтой Улаанбаатар” санаачлагат төсөл хэрэгжүүлэхээр болжээ.
“Унадаг дугуйтай Улаанбаатар” хөтөлбөр хэрэгжсэнээр сүүлийн хоёр жилд дугуйн хэрэглээг долоо дахин нэмэгдүүлжээ. Иймд дугуйчдад хамгийн их хэрэгцээтэй дугуйн зогсоолыг нийслэлд үйл ажиллагаа явуулдаг их, дээд сургууль, төр хувийн хэвшлийн бүхий л байгууллагууд байгуулвал дугуй унах иргэдийн тоо нэмэгдэж, нийслэл хотын агаарын бохирдол болон замын түгжрэлийг бууруулах боломжтой юм.