Өнгөрөгч сарын 12-ноос хойш нийтийн өмнө огт харагдаагүй байсан Умард Солонгосын удирдагч Ким Жон Ун өнөөдөр олон нийтийн үйл ажиллагаанд оролцсон байна. Ким Жон Ун дүү Ким Ё Жон болон бусад албаны хүмүүсийн хамт тус улсын нийслэл Пхеньяны ойролцоох Сунчон гэх газарт шинээр ашиглалтад орж буй бордооны үйлдвэрийн нээлтэд оролцсон аж. KCNA-ийн мэдээлэлд “Эрхэм хүндэт удирдагч, нөхөр Ким Чен Ун бордооны үйлдвэрийн барилгын ажил дууссаны дараа хүндэтгэлийн ёслолд оролцож, тууз хайчиллаа” гэсэн байна. Умард Солонгосын удирдагчийн оролцсон уг үйлдвэрийн нээлтийн ёслол V сарын 1-нд Баасан гаригт болж, тус улс даяар тэмдэглэсэн Олон улсын хөдөлмөрчдийн эв санааны нэгдлийн баяртай давхацжээ.