Дэлхийн хэмжээнд өнөөдрийн байдлаар коронавирусын 4593 тохиолдол бүртгэгдэж, сэжигтэй 6973 тохилдол илрээд байна. Нас барсан хүний тоо 106 хүрч, БНХАУ-аас гадна дөрвөн бүсийн 14 улсад 56 тохиолдол бүртгэгдсэн байна.
Иймд цаг үеийн нөхцөл байдалтай уялдуулан Улсын Онцгой комиссын хуралдааныг маргааш өглөө хуралдана. Онцгой комиссоор коронавирусын халдвараас сэргийлэх ажлын явц, цаашдын төлөвлөгөө болон цагаан сарыг хэрхэн тэмдэглэх, баярын бөхийн барилдаан, золголтын асуудлыг хэлэлцэхээр төлөвлөжээ.