Ардын хувьсгалын 97 жилийн ойн баяр наадмаар тав давж, Монгол Улсын начин цол хүртсэн Өмнөговь аймгийн Хүрмэн сумын харьяат Шоовдорын Дарханбатын цолны мялаалга наадамд Хэнтий аймгийн Өмнөдэлгэр сумын харьяат, “Хангарьд” спорт хороо, “Хан Хэнтийн аварга” дэвжээний бөх, улсын арслан Э.Оюунболд түрүүлжээ.
Уг барилдаанд 64 бөх зодоглосон бөгөөд Дорнод аймгийн Дашбалбар сумын харьяат ОБЕГ-н “Аврагч” спорт хороо, “Дорнод нутаг” дэвжээний бөх, улсын начин Д.Анар үзүүрлэв.
Их шөвөгт Хөвсгөл аймгийн Их-уул сумын харьяат “Хөвсгөлийн хүчтэн” дэвжээний бөх, улсын начин Б.Даваа-Очир, Өмнөговь аймгийн Ноён сумын харьяат, “Хилчин” спорт хороо, “АПУ” ХХК, “Говийн хүчтэн” дэвжээний бөх, аймгийн арслан Э.Нямаа нар шалгарлаа.
Наадмын үеэр Ш.Дарханбатад Өмнөговь аймгийн нутгийн зөвлөлөөс “Ланд-200” маркийн автомашин, орон нутгийн өмчит “Таван Толгой” ХК-аас Улаанбаатар хотноо дөрвөн өрөө байраар шагнаж урамшуулсан юм.