Улсын хэмжээнд энэ сарын 21-ний өдрийн байдлаар нийт 138,628 тонн шатахууны нөөцтэй байна. Үүнийг задалбал, А-80 автобензин 11,367 тонн /68 хоног/, АИ-92 автобензин 44,548 тонн /33 хоног/, АИ-95 автобензин 4,565 тонн /51 хоног/, ДТ 77,485 тонн /28 хоног/ байна.
Улаанбаатар хотын хэмжээнд нийт 69,987 тонн шатахууны үлдэгдэлтэйгээс А-80 автобензин 3,023 тонн, АИ-92 автобензин 25,132 тонн, АИ-95 автобензин 2,960 тонн, ДТ 38,403 тонн буюу АИ-92 автобензиний 26, АИ-95 автобензиний 44, ДТ-ний 35 хоногийн буюу хэвийн нөөцтэй байна.
Шатахууны нөөцийг бүсчилбэл, баруун бүсэд 13,099, хангайн бүсэд 9,337, төвийн бүсэд 34,959, зүүн бүсийн шатахууны үлдэгдэл, нөөц 8,245 тонн байгаа талаар УУХҮЯ-наас мэдээллээ.