Бүгд Наймрамдах Улс тунхагласны 92 жилийн ой, анхдугаар Үндсэн хууль батлагдсан түүхэн өдөрт зориулсан 256 хүчит бөхийн барилдаан Монгол бөхийн өргөөнд эхэллээ. Энэхүү бөхийн барилдааныг үзэхээр Монгол Улсын Ерөнхий сайд Ж.Эрдэнэбат, УИХ-ын дарга М.Энхболд нар хүндэт суудалдаа заларлаа. Улсын тайлбарлагч Бямбаагийн Цогтбаатар бөхийг тайлбарлан хүргэж байна. Өнөөдрийн барилдааныг нээж УИХ-ын дарга М.Энхболд үг хэллээ.
Улсын аварга Ч.Санжаадамба, П.Бүрэнтөгс, Улсын арслан Н.Батсуурь, Р.Пүрэвдагва, Улсын гарьд Б.Гончигдамба, Улсын заан Д.Баасандорж нарын тэргүүтэй алдар цуугаа мандуулсан бөхчүүд тэргүүлэн зодоглож байна.
О.ӨНӨР