“Улаанбаатар цом” олон улсын боксын тэмцээний эмэгтэйчүүдийн 51кг-д тулалдсан ОУХМ Л.Алтанцэцэг хүрэл медалийн болзол хангалаа. Тэрбээр эхний тойрогтоо гоц мөргөж улмаар хагас шигшээд үлдэх тулаанаа Филиппиний боксчин Касин Жуделинтэй тоглож 4:1 ялсан.
Харин медалийн өнгө хувиргах тулаанд БНАСАУ-ын Чол Ми Бантай оноолт таарсан юм.
Сонирхуулахад, “Улаанбаатар цом” олон улсын боксын тэмцээний эрэгтэйчүүдийн 60кг-д олимпийн хүрэл медальт Д.Отгондалай, 69кг-д ОУХМ Б.Түвшинбат нар өнжиж байна.
Боксын Ази тивийн аварга шалгаруулах тэмцээнээс дэлхийн аваргад өрсөлдөх эрхээ дөрвөн боксчин авсан.
Эдгээр боксчдоос Д.Отгондалай, Б.Түвшинбат нар тэмцээнийг өнжиж Г.Ган-Эрдэнэ, Б.Чинзориг нар энэхүү тэмцээнд өрсөлдөж байгаа юм.