Дархлаажуулалтын зөвлөх хороо хуралдаж, улаан бурхны асуудлыг авч хэлэлцжээ. Эрүүл мэнд, спортын дэд сайд Д.Атармаагаар ахлуулсан Дархлаажуулалтын зөвлөх хороо, Тарилгатай халдварт өвчний тандалтын ДЭМБ-ын зорилтын хэрэгжилтийг баталгаажуулах хорооны өргөтгөсөн хурлаар Монгол Улсад 2015 оны 3 дугаар сараас эхлэн бүртгэгдэж буй улаанбурхан өвчний дэгдэлтийн байдал, ДЭМБ-ын НДББ-ын Улаанбурхан өвчний тархалт тархалтыг таслан зогсоосныг баталгаажуулах хорооны 4-р хурлын мэдээллийг тус тус танилцуулжээ.
Мэргэжилтнүүд улаан бурхан өвчний хариу арга хэмжээний талаар санал солилцож, “Дархлаажуулалтын 10 хоног”-оор улаан бурхан өвчний эсрэг нэмэлт дархлаажуулалтыг зургадугаар сараас 5 насны хүүхдүүдийг хамруулан хийх бэлтгэл ажлыг хангах шийдвэр гаргасан байна.