УИХ-ын чуулганы нэгдсэн хуралдаанаар 42 дугаар тойрогт явуулахаар төлөвлөөд байсан нөхөн сонгууль нь Үндсэн хууль зөрчиж байна гэж үзсэн Цэцийн дүгнэлтийг хэлэлцлээ. Улмаар чуулганы хуралдаанд оролцсон гишүүдийн олонхи нь Үндсэн хуулийн цэцийн дүгнэлтийг хүлээж авахаас татгалзлаа. Ингэсэн тохиолдолд Цэц Их суудлын хуралдаанаа хийж эцсийн шийдвэрээ гаргадаг. Гэвч нөхөн сонгууль явуулахаар төлөвлөсөн аравдугаар сарын 7-ны өдөр нь болоод өнгөрсөн учраас Цэц Их суудлын хуралдаанаа хийх шаардлагатай эсэх нь эргэлзээтэй юм.