УИХ-ын гишүүн, Тогтвортой хөгжлийн зорилгын дэд хорооны дарга Х.Булгантуяа Дэлхийн Банкны Монгол Улс дахь Суурин төлөөлөгч Андрей Михнев, тус газрын ахлах эдийн засагч Жийн-Паскаль Нгану нартай уулзжээ.
УИХ-ын гишүүн Х.Булгантуяа хэлэхдээ, өнгөрсөн есдүгээр сард УИХ-ын дарга Г.Занданшатар тэргүүтэй парламентын төлөөлөгчид АНУ-д айлчлах үеэр Дэлхийн банкны Дэд ерөнхийлөгчтэй уулзсан. Уг айлчлалын бүрэлдэхүүнд миний бие багтсан ба уулзалтаар хамтын ажиллагааг өргөжүүлэх, үүний дотор УИХ-ын Тамгын газрын зарим чиг үүргийн нэгжийн чадавхыг бэхжүүлэх техникийн туслалцаа, хуулийн орчуулга, зөвлөх үйлчилгээ авах зэрэг асуудлаар санал солилцсон юм. Энэ яриаг ажил хэрэг болгохоор ноён А.Михневтэй уулзаж байгаагаа танилцуулав.
Суурин төлөөлөгч Андрей Михнев УИХ-ын гишүүний зүгээс тавьсан асуудлуудыг холбогдох албаны хүмүүстэй зөвлөлдөж, ойрын хугацаанд ажил хэрэг болгохоо илэрхийлэв.
Талууд хамтын ажиллагааны төлөвлөгөө, хүрэх үр болон бусад асуудлаар санал солилцжээ.