“Өдрийн сонин”-ы өнөөдрийн дугаарт УИХ-ын гишүүн Ц.Оюунгэрэлийн ярилцлага нийтлэгдсэн байна. Тэрээр “Ардчилсан хувьсгалын үнэ цэнийг бодоод “Өдрийн сонин”-той дахиж битгий марга” хэмээсэн аж. УИХ-ын Хууль зүйн Байнгын хорооны хуралдаан өчигдөр болж Эрүүгийн хууль, Зөрчлийн тухай хуулийн эцсийн хэлэлцүүлгийг хийсэн юм. Уг хурлын үеэр Ц.Оюунгэрэл УИХ-ын гишүүн Х.Баттулгыг “Өдрийн сонин”-ыг нэр төрд нь халдсан хэмээн үзэж нэг тэрбум төгрөг нэхэмжилснийг шүүмжилсэн. Энэхүү хурлын дараа Ц.Оюунгэрэл “Өдрийн сонин”-той заргалдаж буй Х.Баттулгын байдлыг шүүмжилсэн ярилцлага өгсөн байна. Тэрээр Эрүүгийн хуулиар том дарга нар асуудлыг шийддэг байдлыг буруушаав. Нэхэмжлэх шүүхдэх дээрээ тулбал Х.Баттулга яг ингэж нэр төрийг минь гутаагаад ийм бизнес минь нурж нэг тэрбум төгрөг алдсан. Харин “Өдрийн сонин” тухай өдөр тэр нийтлэлийг тавьснаараа хэдэн төгрөг олсон гэдгээ гаргаж мэтгэлцээний журмаар явж асуудлаа шийдэх ёстойг ч зөвлөсөн байна.