Шүүх хурал хаалттай хуралдаж, өчигдөр яллагдагч Ц.Амгаланбаатар, Б.Содномдаржаа нарт 25, Т.Чимгээд 24 жилийн ялыг тус тус оноосон билээ. Харин УИХ-ын гишүүн О.Баасанхүү тус шүүх хурлыг яагаад хаалттай явуулсан, нууцын зэрэгт хамаарах материал байсан тухай болон хүний эрх зөрчигдсөн эсэх талаар энэ хэрэгтэй холбоотой материалыг УИХ-ын гишүүдэд гаргаж өгөхийг шаардан Тусгай хяналтын дээд хороонд хандана гэдгээ хэллээ
Тэрээр “Засгийн газрын харьяа агентлаг болох хорин 461-р ангид шүүх хурлыг явууллаа. Энэ нь шүүхийн хараат бус байдал алдагдсан, Үндсэн хуулийг зөрчсөн үйлдэл болж байна. Энэ талаар Шүүхийн ерөнхий зөвлөлөөс тодруулахад шүүх ажиллагаа явуулах газар нь шүүгчид өөрөө сонгосон гэдэг хариултыг өгсөн. Иймээс цаашид энэ ангид шүүх үйл ажиллагаа явуулахгүй байхын төлөө явна” гэсэн юм.