Монгол түмэндээ айлчлан ирж буй Алтан унжлагат хэмээх гал тахиа жилийн сар шинийн мэндийг өргөн дэвшүүлье.
Алтан унжлагат хэмээх гал тахиа жилийн босгон дээр Ардчилсан нам шинэчлэлийг эхлүүлж, олон чухал ажлуудыг шинээр эхлүүлж, олон томоохон шийдвэрүүдийг гаргаж чадлаа. Ирэх жилдээ ч бас энэ эрчээ алдалгүй шинэчлэлийг өрнүүлэн, Монгол улсынхаа хөгжлийг түүчээлж, улс орны ирээдүйг тодорхойлох бодлого баримтлалтай хүчирхэг Ардчилсан намыг бий болгож чадна гэдэгтээ огтхон ч эргэлзэхгүй байна. Монгол улсын ирээдүй Ардчилсан намын хувь заяа хоёр салшгүй холбоотой гэдэг нь хэн бүхэнд тодорхой учраас энэхүү шинэчлэлийн ажилд иргэн бүр тэр дундаа Ардчилсан намын гишүүн бүр анхаарлаа хандуулж, биечлэн оролцож санал бодлоо илэрхийлнэ гэдэгт итгэж байна.
Та бүхэн минь элгээрээ энх амгалан, төрлөөрөө түвшин амгалан байж, сар шинэдээ сайхан шинэлээрэй.