УИХ-ын чуулганы хуралдаанаар Харилцаа холбооны тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүдийн анхны хэлэлцүүлгийг хийж, зарчмын зөрүүтэй саналын томьёоллоор санал хурааж, дараагийн хэлэлцүүлэгт шилжүүллээ. Зарчмын зөрүүтэй санал хураалтын үеэр цахим үйлчилгээ /Фэйсбүүкт/ утас, регистрийн дугаараар бүртгэдэг байх заалтын талаар зарим гишүүд саналаа илэрхийлсэн юм.
Үүний дараа чуулганы хуралдаанаар Радио долгионы тухай хуульд нэмэлт өөрчлөлт оруулах болон хамт өргөн мэдүүлсэн хуулийн төслүүд, Шуудангийн тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төслүүдийн хэлэлцүүлгийг хэлэлцлээ.
Ингээд 12 хуулийн төслийн эцсийн хэлэлцүүлгийг сонссоноор өнөөдрийн чуулганы хуралдааны үдээс өмнөх хуралдаан өндөрлөлөө. Үдээс хойш чуулганы хуралдаан 15.00 цагт Ерөнхий сайдын мэдээллээр үргэлжилнэ.